| |
"Global Olympiad
Center"in təşkilatçılığı ilə
Bakıda Azərbaycanda ilk dəfə
“Robotex Türkiyə” yarışının
bölgə çempionatları keçirilib.
Avropa Birliyinin dəstəyi ilə
təşkil olunan dünyanın ən böyük
və nüfuzlu robototexnika
yarışmasında 250-dən çox
komanda, 2 mindən çox izləyici,
1500-dən çox iştirakçı, 41
məktəb, 6 universitet və 10 özəl
qurum iştirak edib.
Şagirdlər 2 gün ərzində robot
kodlaşdırma və robot hazırlama
üzrə layihələrini, eləcə də öz
startaplarını təqdim ediblər.
19 fərqli kateqoriyada yarışan
komandalardan 109 komanda qalib
seçilərək növbəti mərhələyə
vəsiqə qazanıb.
Univetsitet rektorları,
Azərbaycanın öndə gedən iş
adamları və akademik kadrların
qonaq qismində iştirak etdiyi
Festivalda iştirakçıların
layihələri dünya səviyyəli
münsiflər heyəti tərəfindən
dəyərləndirilib.
Festivalda Türkiyə
Respublikasının Azərbaycandakı
Fövqəladə və Səlahiyyətli səfiri
Cahit Bağcı, KOBİA-nın sədri
Orxan Məmmədov, "Azərcell"-in
baş müşaviri Okan Cimen,
Azərbaycan Respublikası Elm və
Ali Təhsil Dövlət Agentliyinin
direktoru Ülkər Səttarova,
ROBOTEX Türkiyənin direktoru
Orhan Çevik və NDU, ADİU, BDU,
BSU, ADPU universitetlərinin
rektorları fəxri qonaqlar
qismində iştirak ediblər.
ROBOTEX yarışmasının sabah baş
tutacaq ikinci və son
mərhələsində görüşənədək.
Yarışın növbəti mərhələsi 20-21
aprel tarixlərində Türkiyənin
Antalya şəhərində baş tutacaq.
18 ölkədən qatılan komandalar
Estoniyanın paytaxtı Tallində
keçiriləcək beynəlxalq robot
çempionatında iştirak etmək
hüququ əldə edəcəklər.
|
|
