| |
26 fevral –
Xocalı soyqırımının ildönümü ilə
əlaqədar olaraq liseyimizin
şagirdləri üçün Azərbaycan
Silahlı Qüvvələrinin Hərb Tarixi
Muzeyinə ekskursiya təşkil
olunub.
Ekskursiya çərçivəsində
şagirdlər muzeydə Xocalıya həsr
olunmuş guşə ilə tanış olub,
maket üzərində 1992-ci ilin 26
fevral gecəsində baş vermiş
faciə haqqında ətraflı məlumat
əldə ediblər. Onlara həmin
hadisələrin tarixi əhəmiyyəti və
nəticələri barədə məlumat
verilib.
Bundan əlavə, şagirdlər muzeydə
nümayiş olunan eksponatlar,
müxtəlif dövrlərə aid hərbi
texnikalar və silah nümunələri
ilə yaxından tanış olub,
Azərbaycan ordusunun keçdiyi
inkişaf yolu barədə
məlumatlandırılıblar.
Ekskursiyanın təşkilində fəal
iştirakına görə hərbi hazırlıq
müəllimimiz, 44 günlük Vətən
müharibəsi qazisi İbrahim
Orucəliyevə təşəkkürümüzü
bildiririk.
|
|
