.: Bakı Türk Litseyi :.

TDV Bakı Türk Liseyində şagirdlərin iştirakı ilə biologiya fənni üzrə praktik məşğələ təşkil olunub. Şagirdlər təbiəti kiçik bir şüşə qabın içində canlandıraraq terariumlar hazırlayıblar.

Terarium – qapalı və ya yarıqapalı şüşə qabda bitkilərin yetişdirildiyi mini ekosistemdir.

Məşğələ zamanı şəffaf qab seçilib, alt hissəyə drenaj üçün daşlar yerləşdirilib, üzərinə kömür və münbit torpaq qatı əlavə olunub. Daha sonra kiçik bitkilər əkilərək kompozisiyalar dekorativ elementlərlə tamamlanıb və uyğun şəraitdə saxlanılıb.

Bu kimi praktik fəaliyyətlər şagirdlərin təbiətə marağını artırır, ekoloji düşüncənin və məsuliyyət hissinin formalaşmasına töhfə verir.